Intärns 2014

 

E feschte Platz im Johreskaländer vo der Junge Gardehet s IntärnePrysdrummlen und - pfyffen im Rialto. Schoo frieh im Herbscht mache sich die Gläbbli- und Schleegelkintschtler und -kinschtlere Gedangge, mit weelem Marsch ass men ächtscht kennti d konkurränz in Schach halte. Mit emen Läggerli oder de Mätzlikaasch hitzedaags kuum me e Bluemedopf gwinne, au wenn Dy Vordraag suuber pfyffen oder drummlet wird. Nai, es muessbesseri koscht aane. So hänn d Zuehehrer - Eltere und Grosseltere, Gschwisterti und Frind sowie Gotte und Götti - vo der Pfyfferinne nääben em Spaalebärg und em Rhysprung au der Hoofnaar und der Yankee gheert, Märsch, wo vo de Konkurrente volli Konzentrazioon und Kenne erfordere. Au d Dammbuure hänn sich nit lumbbe losse und hänn ys der Pumperniggel,d Celanese und der Ueli vordrait, ass es e Fraid gsi isch.

Dernääbe hänn d Aafänger bi dem Dammbuure d Grundlaage vom Drummle uff der Bihni presentiert, und das notabene ohne e Larve z draage. Der Stamm und d Spatze zämme hänn mit em Altfrangg der Aaloss am halbi Sibeni ereffnet und mit em Unggle Sam het der Stamm zämme mit der Junge Garde s Intärne wider beändet. Es isch e wunderbaaren Oobe gsi und der Saal im Rialto isch fascht bis uff e letschte Platz bsetzt. Niemerts het s miesse bereue, ass er oder si koo isch, denn es isch ene heerligi Fasnachtsmuusig presentiert worde und s Team vom Restaurant het sich alli Mieh gää, ass au der Maage uff sy Rächnig koo isch.

 

 

Ranglischte

 

Pfyfferinne

1.  Géraldine  Gehrig

2. Nathalie Künzli

3. Paula Wolfelsberger

 

Dammbuure

1.  Nicolas  Gehrig

2. Kiran Doshi

3. Ami Gadient

 

Ihne, aber au alle andere,

wo s nit uffs Podäscht

glängt het, syg an dääre

Stell ganz härzlig ze ihre

Laischtige gratuliert.